Параньга районым уэш Альфит Ибраев вуйлата
Параньга районысо депутат- влак погынымашын сессийже район администрацийын у вуйлатышыжым палемден. Чынрак каласаш гын, тиде тошто - у вуйлатыше. Молан манаш гын, Альфит Ибраев районым 18 ий вуйлата. Шке коллегыже- влак коклаште эн опытан улеш. Депутат- влак конкурс комиссийын пунчалже дене келшеныт да тудым уэш вич ийлан район администрацийым вуйлаташ шогалтеныт.