«Кугу этнографий диктант» Тӱнямбал акцийым иктешлыме

Шукерте огыл шинчымашым шарыше «Кугу этнографий диктант» Тӱнямбал акций эртыш. Марий Эл гыч тушко ушнышо- влак иктыжат 100 баллым поген кертын огыл. Диктантым чыла районыштат 43 площадкыште возеныт. Эн шуко- 127 еҥ марий университетысе тӱвыра институтыш погынен. Чылаже тений тӱжемат 439 еҥ шинчымашыжым терген. Кодшо ийын тӱжемат 22 еҥ ыле. Эн кугу ийготанже 79 ияш лийын гын, эн изиже- 7 ияш. Республикыштына кокла бал 49,4- ыш шуын. Туге гынат 10 еҥ 90 да утларак баллым поген кертын.