«Участковый уполномоченный полиций пашаеҥ- влак коклаште шке шотан универсал улеш»…
Теҥгече полицийын участковый уполномоченныйже- влак шке профессионал пайремыштым палемденыт. Тиде службылан 96 ий темын. Тидын лӱмеш МВД-н коллегий залыштыже пайрем мероприятий эртен. Погынышо- влакым республикысе эл кӧргӧ паша министр, полицийын генерал- майоржо Сергей Волчков саламлен. Участковый уполномоченный, - каласен тудо,- полиций пашаеҥ- влак коклаште шке шотан универсал улеш. Тудо чыла ыштен моштышаш. Профессионал лийшаш, тидын годымак еҥ-влакын проблемыштым тӱткын колышт моштышаш да чытыше лийшаш. Кызыт пашам ыштыше да ветеран- влаклан пашаште сеҥымашым, ешыште ласкалыкым да пеҥгыде тазалыкым тыланен.