Начар ужшо- влак лудмо конкурсышто таҥасат
Йошкар-Олаште Брайль системе дене эн сайын лудшо- влакын Республикысе конкурсышт лиеш. Тудо 6-шо декабрьыште эрта да совет кинорежиссёр, актёр, сценарист да писатель Василий Шукшинын 90 ияш лӱмгечыжлан пӧлеклалтеш. Таҥасыше- влак вич минут жапыште Шукшинын «Йошкар полан» повесьше гыч ужашым лудшаш улыт. Жюри мыняр корным лудмым, чаткалыкым, лудмо годым мыняр йоҥылышым ыштымым аклаш тӱналеш. Ушештарена: Марий Элыште кызыт кок тӱжем утла начарын ужшо еҥ ила. Тушечын 900 утлаже йӧршын ок уж.