Марий туныктышо Москосо мастер-классыште сеҥыше радамыш логалын
Москошто шочмо йылмым да руш йылмым туныктышо- влакын ассоциацийышт Российысе калык озанлык академийын туныктымо пашам вияҥдыше федерал институтшын туныктымаште калыкле проблемым научно-шымлыше рӱдерже дене пырля шочмо да руш йылмым туныктышо- влакын Россий кӱкшытан 13-шо мастер- классыштым эртареныт. Конкурс очный да заочный йӧн дене лийын. Тушко Российысе 39 кундем гыч 140 педагог ушнен. Нунын коклаште «Марий йылмым эн сайын туныктышо» республикысе конкурсышто сеҥыше, Волжский районысо Карай школышто тӱҥалтыш класслам туныктышо Валентина Емельянова лийын. Тудо конкурсын лектышыже почеш «Учитель-новатор» номинацийыште сеҥышын дипломжо да «Эн сайын туныктышо» Кубок дене палемдалтын.