Сандалык гыч Марий мландым эскерат
Республикысе пӱртӱс поянлык министерствыште Сандалык гыч мланде дене пайдаланымым эскерыме лектышым каҥашыме. Тудым Москосо «Иннотер» компаний шуктен. Каҥашымаш шанче-техник советын геологий секцийыштыже ончалтын. Шымлымаш мланде гыч пайдале ископаемыйым лумо да закондымын пайдаланымашым пален налаш манын 2013-шо ий годсек эртаралтеш. Эскерыше- влак космический аппаратын снимкыже- влакым кучылтыт. Шымлымаш Марий Элын пел кумдыкшым авалта. Снимке почеш вич метр кугытан объект- влакымат рашемдаш лиеш. Эскерыме жапыште республике мучко карьер семын койшо 600 объектым рашемдыме. Тергымаш ончыктен: пелыже чынжымак карьер лийын. Тений гына 80 кӱнчымӧ верым пален налме. Тушечын 31-тыже официальный, 40-же шкевуя почмо карьер лийын.