Килемарыште чоҥымо у храм ӱмбак купол ден ыресым вераҥдыме
Килемарыште Юмын пророкшо Илия лӱмеш чоҥымо у храм ӱмбак купол ден ыресым вераҥдыме да юмын шӱлышым пуртымо. Протоиерей Андрей Романов ден иерей Димитрий Васенёв купол ден ырес- влаклан юмын шӱлышым пуртеныт. Нуным нӧлталме деч ончыч кажне прихожанин нунын деке тӱкнен кертын. Тиде кӱлешан событийыш Килемарыште илыше шӱдӧ наре еҥ погынен. Храмыште кызыт чоҥымо да сӧрастарыме паша умбакыже шуйна. Прихожан-влак тудын почылтмыжым чытен-чытыде вучат. Тиде храм кугу историян. Тудын икымше негызшым 100 ий ончычак пыштыме улмаш.