Йошкар-Олаште эн сай тӱвыра пашаеҥ- влакым наградитленыт

          Йошкар-Олаште эн сай тӱвыра пашаеҥ- влакым наградитленыт. Ялласе тӱвыра тӧнеж- влакын эн сай пашаеҥыштым да да кодшо ийын лектышыже почеш эн сай тӧнеж- влакым ойырымо. Яков Эшпай лӱмеш марий кугыжаныш филармонийыште Тӱвыра пашаеҥын кечыже вашеш наградым кучыктымо торжественный церемоний эртен. Ял кундемыште верланыше эн сай муниципал тӱвыра тӧнеж семын палемдалтыныт: Сотнур ден Кугу Лаждӱр, Нартас ден Кокласола, У Торъял Кузнеч ден Янгетсола, Солнечный тӱвыра пӧрт- влак. Эн сай пашаеҥ лӱмым Карлыган гыч Наталья Иванова, Медведево- Пӱкшерме клуб гыч Екатерина Рыбакова, Тошто Торъял гыч Виталий Яндыганов, Параньга Ернур гыч Наиля Вагапова, Марьино гыч Елена Александрова налыныт. Сеҥыше- влаклан 50 тӱжем теҥге гыч, а эн сай тӧнеж- влаклан 100 тӱжем геҥге гыч окса полышым пуат.
           Фото: Тӱвыра министерстве.