Марий Элым вуйлатыше калыкле лӱдыкшыдымылыкым ыштыме шотышто йодыш- влак дене совещанийыште участвоватлен

           Марий Элым вуйлатыше Юл кундемыште калыкле лӱдыкшыдымылыкым ыштыме шотышто пӱсын шогышо йодыш- влак дене совещанийыште участвоватлен. Тудым Россий Федерацийысе Лӱдыкшыдымылык Советын секретарьже Николай Патрушев эртарен. Мероприятийыште полномочный представитель Игорь Комаров, федерал министерстве ден ведомствылам, регионлам вуйлатыше- влак лийыныт. Погынышо- влак шоя уверым шарыме ваштареш шогымо, ӧрдыж гыч ваштареш идеологийым шаркалыме, историй шарнымашым арален кодымо, Российын увер суверенитетшым пеҥгыдемдыме йодыш- влакым каҥашеныт. Россий Президентын Юл кундем округышто полномочный представительже округысо регион- влак да пӱтынь элланат йодыш- влакын кӱлешан улмыштым палемден да осалым шонышо- влакын калыкын уш-акылжым вашталташ тыршымашыштым пеҥгыдын кораҥдаш Президентын кӱштымыжым ушештарен. Россий ваштареш увер да пропаганда кумдыкышто йотэллан еҥышт уло вийыштым тарватеныт. Цифран технологий саманыште поснак увер лӱдыкшыдымылыклан кугу тӱткышым ойырыман. Тиде аланыш самырык тукым писын логал кертеш. Совещанийыште Касвел эл- влакын калыкын уш-акылже дене модаш тӧчымыжым петыраш полшышо шанче да социал проектлам ямдылаш да илышыш шыҥдараш кӱштымаш- влакым пуымо.
             Фото: Марий Элым вуйлатышын  администрацийжын увер дене пашам ыштыше пӧлкаже.