Кодшо ийын Марий Эл чодырам уэш куштымо пашалан 162 миллион теҥгем кучылтын
Кодшо ийын Марий Эл чодырам уэш куштымо пашалан 162 миллион теҥгем кучылтын. Тыге эртыше ийын кум тӱжемат 200 гектареш у чодырам шындыме. Тиддеч посна ик тӱжем утла гектар чодыраште шукш-копшаҥге да чер деч дезинфекцийым ыштыме. Тидлан 73 миллион теҥге каен. Республикын пӱтынь кумдыкшо деч 60 проценгтшым чодыра айла. Тушечын 45 процент чодыраже вӱдым аралыше да сантар-гигиена сомылым шукта. Моло 55 процентше пайдаланыме кожла. Тӱҥ шотышто мемнан дене пӱнчӧ, писте, кож, куэ да шопке кушкеш. Статистикым Чодыран тӱнямбал кечыже вашеш Маристат ямдылен.
