Телымсе ял спорт модмаште Марий Элын сборный командыже кокымшо верым сеҥен налын

         Телымсе ял спорт модмаште Марий Элын сборный командыже кокымшо верым сеҥен налын. Череповецыште Россий кӱкшытан 11-ше телымсе ял спорт модмаш мучашлалатын. Мероприятийыш элысе 49 кундем гыч 724 еҥ миен. Программыште ече дене таҥасымаш, полиатлон, шахмат, шашке, спорт еш- влакын таҥасымашышт, ушалым лӱштышо да механизатор- влакын троеборьешт лийын. Марий Элын сборный командыже 250 тӱжем марте ялысе калыкан тӱшкаште кокымшо верым налын, ончыко лач Коми командым гына колтен. Тиде тӱшка эн кугу лийын. Тушто 22 кундемын еҥышт таҥасеныт. Республике гыч механизатор- влак лӱм дене Медведево район гыч Андрей Сергеев ден Матвей Смирнов таҥасеныт. Ушкалым лӱштышӧ пӧръеҥ- влак коклаште Советский район гыч Виктор Ельмекеев ден Юрий Таныгин лийыныт. Ельмекеевмыт еш изирак ийготан- влак коклаште икымше верыш лектын.
            Фото: «Марий Элыште спорт».