Марий Элыште сибирь йора чер ынже шарле манын шке жапыштыже мера- влак ышталтыт

          Марий Элыште сибирь йора чер ынже шарле манын шке жапыштыже мера- влак ышталтыт. Правительстве председательын алмаштышыже Дмитрий Троицкий противоэпизоотический комиссийын заседанийжым эртарен. Тушто регионысо эпидемиологий сӱрет каҥашалтын. Поснак сибирь йора черым кондаш чаркым ыштыме, ынже шарле манын пашам виктарен колтымылан тӱткышым ойырымо. Заседанийыште федерал, регионысо да муниципал кучем орган- влакын вуйын шогышо еҥышт да вольык дене пашам ыштыше организаций- влакын специалистышт лийыныт. Докладым республикысе ветеринарий комитетым вуйлатыше Валентина Вавилова ыштен. Тудын мутшо почеш республикыште сибирь йора дене черланымашым рашемдыме огыл. Дмитрий Троицкий республикыште инфекцийлан шарлаш пеҥгыде чаракым ышташ задачым шынден.
             Фото: Марий Элым вуйлатышын  администрацийжын увер дене пашам ыштыше пӧлкаже.