Тений Зосим Лаврентьевлан 90 ий темеш ыле
Тӱссымыктыш тоштерыште лӱмлӧ калык сӱретчым шарныме лӱмеш ончерым почыт. Тушто 25-ше мартын республикысе ик эл лӱмлӧ сӱретче Зосим Лаврентьевын выставкыже почылтеш. Зосим Лаврентьев Российын калык сӱретчыже, Марий АССР сымыктышын сулло деятельже, Ленин лӱмеш Совет йоча фондын марий пӧлкажын Йыван Кырла лӱмеш, Олык Ипай лӱмеш, Марий АССР Кугыжаныш премийлан лауреатше лийын. Тудо Курык марий районысо Эсансолаште шочын. Тений тудлан 90 ий темеш ыле.
