Марий Элым вуйлатыше антитеррорист комиссийын заседанийжым эртарен

              Марий Элым вуйлатыше антитеррорист комиссийын заседанийжым эртарен. Тушто объект- влакым терроризм деч аралыме пашам вияҥдыме, терроризм сомылыш калыкым ушымо паша ваштареш кучедалме йодыш- влакым ончымо. Юрий Зайцев палемден: вичкыж вер- влакым рашемден шогымаш, терроризм лӱдыкшӧ ваштареш мерым саемдымаш мемнан тӱшка задачына. Чыла социал, инфраструктура объект- влак ӱшанлын аралыме лийышт,- каласен тудо. Тидымат ешарен: кызыт кугу тӱткышым увер лӱдыкшыдымылыклан ойыраш кӱлеш. Кызыт увер СМИ гоч, блогер гоч кая да шукыж годым чын огыл увер шарла. Тидыже лӱдыкшым луктеш. Молан манаш гын, кучедалмаш сӧй пасушто гына огыл, виртуал кумдыкыштат  кая. Самырык тукымым аҥыртараш тыршат. Нине йодышлан кугу тӱткышым ойырыман,- каласен Юрий Зайцев.
             Фото: Марий Элым вуйлатышын  администрацийжын увер дене пашам ыштыше пӧлкаже.