Йошкар-Олаште утарыше технике ден оборудованийым ончыктымаш эртен
Йошкар-Олаште утарыше технике ден оборудованийым ончыктымаш эртен. «Арена» Куштылго атлетике манеж ончылсо площадкыште вӱдшор да тул лӱдыкшӧ жапыште вучыдымо ситуацийым кораҥдыме да шижтарыме МЧС-ын техникыжым ончыктымо. Мероприятийым эртарымаш Россий МЧС-ын рӱдӧ аппаратшын Йошкар-Олаш толмыжо дене кылдалтын. Тиддеч вара утарыше ведомствын еҥже- влаклан Воскресенский паркыште вераҥдыме «Пожарный да утарыше- влаклан- тыныс жапын геройжо- шамычлан» лӱман чапкӱм ончыктеныт. Офицер- влак тудын воктеке пеледыш аршашым пыштеныт.
