Йошкар-Олаште шкевуя вераҥдыме ужалкалыме вер- влакым кораҥдат
Йошкар-Олаште шкевуя вераҥдыме ужалкалыме вер- влакым кораҥдаш тӱналме. Тачысе кечылан 78 тыгай объектым рашемдыме. Тушечын 10-жым рончен налме. Теҥгече Йошкар Армий уремысе 105-ше да 88-ше пӧрт воктене, Подольскысо курсант- влак уремын 4-ше пӧрт воктене тыгай ларёк- влакым рончен налме. Лишыл жапыште Сталинград кредалмашын Геройжо- влак урем 29 да Чавайн бульвар 19 адрес дене кораҥдаш палемдыме. Мэрийын умылтарымыж почеш, олаште стационар огыл объект- влакым- ужалкалыме верым, кӱртньӧ гаражым, саварым ола администрацийын посна комиссийже треген рашемда. Вара тудын озажлан кум кече жапыште кораҥдаш кӱштымаш пуалтеш. Огыт кораҥде гын, ола администрацийын вийже дене кораҥдалтеш.