Спорт кучедалмаш дене Марий Элын спортсменже- влак ончылно улыт

Озаҥ олаште кодшо кечылаште спорт кучедалмаш дене Юл кундем округын Чемпионат ден Первенствыже эртен. Тушко 10 регион гыч 400 утла участник погынен. Мемнан спортсмен- влакат шкеныштым чолган ончыктеныт. Команде- влак коклаште «Классический» разделыште мемнан команде икымше верым сеҥен налын. Индивидуальный дисциплиныште МарГУ-н спортсменже- влак сай лектышым ончыктеныт. Анастасия Богданова, Марина Сабанцева, Раджаб Тинамагомедов панкратионын классический разделыштыже икымше верыш лектыныт. Панкратионышто Никита Жирнов  икымше, Вероника Иванова кокымшо верым сеҥен налыныт. Нуно чыланат майыште Иркутскышто лийшаш Российын Чемпионат ден первенствышкыже путёвкым налыныт.