«Ончыкылыкын туныктышыжо» профессионал конкурсын икымше йыжыҥже мучашлалтын
«Ончыкылыкын туныктышыжо» профессионал конкурсын икымше йыжыҥже мучашлалтын. Тушко Марий Эл гыч 79 школ команде ушнен ыле. Тиде «Россия- страна возможностей» президент платформын ик проектше. Тудын тӱжемат 200 полуфиналистше рашемын. Юл кундем округын 50 эн сай командыже радамыш «Медведевысе кокымшо номеран школын командыже пурен. Тушто Татьяна Лопарёва, Татьяна Анисимова, Наиля Набиуллина таҥасеныт. Ынде нуно 6-8-ше мартыште Уфа олаште конкурсын полуфиналыштыже моштымашыштым ончыктат. Нунылан 12 финалист команде радамыш логалаш тыланена.
