Благовещений башньыште Оршанке районын ончерже почылтеш
Йошкар-Оласе Благовещений башньыште «Марий Элын поликультурный картыже» выставке проект кышкарыште Оршанке районын ончерже почылтеш. Мероприятий эрла 14 шагатлан тӱҥалеш. Выставкыште районын историйже, тӱвыраже, кызытсе жапше нерген каласкалыше экспонат- влакым чумырымо. «Марий Элын поликультурный картыже» проект Республикын 100 ияш лӱмгечыжлан тӱшка тоштер комплексым чумырымлан ямдылалтме йыжыҥ семын аклалтеш. Тымарте тушто 12 районым ончыктымо.
