Россий Президентын Юл кундем округышто полномочный представительже Игорь Комаров Марий Элыш толын каен
Теҥгече Россий Президентын Юл кундем округышто полномочный представительже Игорь Комаровын Марий Элыш визитше кышкарыште республикым вуйлатыше Александр Евстифеевын вашлиймашышт эртен. Марий Элым вуйлатыше республикым социально- экономически вияҥдыме нерген ойлен. Тиддеч посна президентын «Майысе указше- влакым», Посланий годым пуымо кӱштымашыже- влакым кузе шуктымо нерген мутланеныт. Икымше февральлан шотлымаште, консолидированный бюджетым налог да налогдымо парыш дене пойдарымаш дене Марий Эл округышто икымше верыште улеш, кредит нелытат шагалем толеш,- каласен республикым вуйлатыше. Тиде кӱлешан паша. Промышленность кушшаш да тӱҥжӧ калыкын парышыже кугемшаш. Тидлан кугу тӱткышым ойырыман,- каласен Игорь Комаров. Александр Евстифеев полномочный представительым тыгак Республикылан 100 ий темме да Сеҥымашын 75 ияш лӱмгечыжым пайремлыме кышкарыште Марий Элыште шыҥдарышаш тӱҥ проект- влак дене палдарен.