Морко районысо 60 тунемше юнармеец радамыш пурен

Морко районысо Кокласола лицейыште 60 тунемшым юнармеец радамыш торжественно пуртымо. Ӱдыр-рвезе- влакым лицейын директоржо Сергей Михайлов саламлен. Вара лицеист- влак товатлыме мутым ойленыт. Районын сарзе комиссарже Ильфат Габдулхаков Российысе «Юнармий» военно-патриот толкынын значокшым,  а ОБЖ-м туныктышо- влаклан «Военно-патриот пашам чолган шуктымылан» медальым кучыктен. Церемонийыште почётан уна- влакат лийыныт: Кугыжаныш Погын вуйлатышын алмаштышыже Евгений Кузьмин, Морко муниципал районым вуйлатыше Светлана Иванова, Йошкар-Оласе МВД виктемым вуйлатыше, полицийын полковникше Альберт Сошин, Марий Элын калык учительже Геннадий Арганяков.