Ынде «Марий Элын ечыгоныжо» вуча
Телын пытартыш кечынже, пургыж тылзын 29-ше числаштыже, «Корта» базыште «Марий Элын ечыгорныжо» таҥасымаш да ГТО нормым сдатлымаш лиеш. Мероприятийын ойыртемже- тудо кастене эртаралтеш. Таҥасыше- влак волгалтарыме ече-роллер трассыште куржталаш тӱҥалыт. 16 шагатлан ечыгорным пайрем семын почмаш лиеш, пел шагат гыч таҥасымаш тӱҥалеш. Куржталмашке 6 ияш гыч тӱҥалын чыла кумылан- влакым пуртат. Нуно икте, кокыт, кумыт да вич меҥге кужытыш куржыт. Кажныже комиссийыш паспортым, медицина страхований полисым, медсправкым пуышаш, илышым страховатлыме полис лиеш гынат уто огыл. Таҥасымашке пуртышо комиссий 28-ше февральыште «Марий Эл» ий полатыште 12 гыч 19 шагат марте пашам ышта, а таҥасыме кечын «Корта» базыште 12 гыч 15 шагат марте возалташ лиеш.
