9 ияш шахматист- влак Марий Элын Первенствыштыже таҥасеныт

Йошкар-Оласе Сергей Карякинын шахмат школыштыжо 9 ияш йоча- влак коклаште шахмат дене Марий Элын Первенствыже мучашлалтын. Тушто 55 рвезе да 13 ӱдыр- 68 спортсмен ӱчашен. Ныл кечыште 8 тур эртен. Ӱдыр- влак коклаште икымше верым Дарья Чупина сеҥен налын. Кокымшо верыште- Елизавета Трегубова, кумшо верыш Анстасия Полубаьева лектыныт. Рвезе- влак коклаште Дмитрий Рыбаков эн уста лийын, кокымшышто- Тимофей Лоскутов, кумшышто- Дмитрий Чирков. Чыла сеҥыше- влак мемнан республикын чапшым Юл кундем округышто аралаш тӱналыт.