Республикым вуйлатыше «Самырык профессионал- влак» конкурсым эртарыме верлам ончен

Тиде кечылаште Марий Элыште «Самырык профессионал- влак» регионысо 8-ше виш чемпионат эрта. Марий Элым вуйлатыше Александр Евстифеев «Коҥгам оптымаш», «Сантехника да ырыктымаш», «Плиткам оптымаш», «Маляр да декоративный паша», «Кермычым оптымаш» специальность дене таҥасымашым эртарыме мастерской- влакым ончен лектын. Нуно Йошкар-Оласе строительный техникумышто верланеныт. Глава тыгак Торгово- технологий колледжыште «Повар паша», «Ресторан сервис» да «Кондитер паша» таҥасымашлам эртарыме верлаш миен. Тудо кулинар шедевр- влакым ончен куанен. Александр Евстифеевын мутшо почеш ик лектыш чот куандарышаш. Тиде- профессионал семын ыштен моштымаш. Тудо кеч -могай пашаштат кӱлеш. Компетенцийын чотшо кушкеш, таҥасыше да туныктышо- влакат ешаралтыт. «Самырык профессионал- влак» конкурсышто сеҥымаш профессийыш толаш да у кӱкшытыш шуаш шуаш кумыландышаш. 8-ше чемпионатыште 41 компетенций дене 310 еҥ мастарлыкшым ончыкта. Нуно 14 гыч 16, 16 гыч 22 да 50 ий деч кугурак ийготан- влаклан шелалтын таҥасат. Чылаже 12 площадке пашам ышта: Йошкар-Олаште, Волжскышто, Козьмодемьянскыште, Оршанкыште, Красный Ярыште. Нуным ямдылашлан республикысе казна гыч 15 миллион теҥгем кучылтмо. Сеҥыше- влакын лӱмышт эрла пале лиеш. Нуно регионысо сборный командыш пурат да Новокузнецк олаште финал таҥасымаште шкеныштым ончыктат.
ВКонтакт Одноклассники Facebook Twitter Livejournal Google Plus
Поделиться

Прошлые выпуски