Школышто тунемше- влакым шокшо кочкыш дене пукшымо шотышто законым пеҥгыдемдыме
Школышто тунемше- влакым шокшо кочкыш дене пукшымо шотышто законым пеҥгыдемдыме. Теҥгече Россий Кугыжаныш Думо школьник- влаклан шокшо кочкышым ситарыме шотышто законым пеҥгыдемден. Кугыжаныш Думын председательже Вячеслав Володин палемден: тӱҥалтыш школышто тунемше чыла йочам шокшо кочкыш дене яра пукшымаш обязательный лийшаш. Йоча ялыште але олаште ила гынат, кечывал кочкышым школышто яра кочшаш. Закон йоча- влакын тазалыкыштым пеҥгыдемдымашке виктаралтын. Шокшо кочкыш шотышто нормо тений икымше сентябрь гыч вийым налеш. Верлаште школ столовый- влакын да питаний комбинат- влакын пашам ыштымыштым да ямде улмыштым шотыш налын, йыжыҥ дене шыҥдараш тӱҥалыт. Чыла вереат 2023-шо ий икымше сентябрь марте ямде лийшаш улыт. Оксам федерал, регионысо, верласе бюджет да моло источник гыч ойыраш тӱҥалыт.