Марий спецназ округысо таҥасымаште кумшо лийын
Марий спецназ накзанийым шуктышо федерал службын чемпионатшын финал йыжыҥышкыже кая. Лӱйкалымаш дене округысо таҥасымаште марий спецназ кумшо верыш лектын. Командылан тӱҥ награде семын Россий ФСИН-ын чемпионатшын финал йыжыҥышкыже ойырен налмаш лийын. Тудыжо Санкт- Петербургышто эртышаш. Лӱйкалымаш дене чемпионатын ойырен налме йыжыҥже Тольяттиште лийын. Тушто округысо 14 команде таҥасен. Нунын коклаште Марий Эл гыч «Ястребат» лийын. организатор- влак таҥасыше шамычлан пситолет да автомат гыч лӱйкалыме неле упражнений- влакым ямдыленыт. Пӱсӧ таҥасымаш деч вара икымше верым оза- влак – Самара областьысе «Мангуст» спецназначениян пӧлкан команжыже сеҥен налын. Кокымшо верыште Угарман область гыч «Берсерк». Нылымышыте Киров гыч «Алмаз». Тудат «Ястреб» семынак российысе финалыш кая. Тыге ныл команде мартыште Санкт-Петербургышо округын лӱмжӧ дене кучедалаш тӱҥалеш.