Игнатьев лудмаш 20-шо гана погына
Курык марий районысо Кулаковы селаште икымше апрельыште Кугу Сеҥымашын 75 ияш лӱмгечыжлан пӧлеклалтше «20-шо Игнатьев лудмаш: Курыкмарий кундем да Кугу Сеҥымаш» шанче-практик конференций лиеш. Тушко ушнаш йылмызе, литературовед, фольклорист, историк, археолог, этнограф, этномузыковед, искусствовед, театровед культуролог, туныктышо, студент да моло тӱвыра пашаеҥ- влакым ӱжыт. Тушто каҥашаш ятыр йодыш темлалтеш. Йодмашым 10-шо март марте МарНИИЯЛИ-ште налыт.