Полномочный представительын алмаштышыже кум кундемын еҥышт дене эл кӧргӧ паша йодыш почеш совещанийым эртарен
Полномочный представительын алмаштышыже Игорь Буренков Озаҥ олаште Марий Эл, Татарстан да Чуваш республике правительствын представительышт дене план почеш совещанийым эртарен. Тушто 13-шо сентябрьыште Единый йӱклымӧ кечылан ямдылалтме, регионлаште шыҥдарыме калыкле проект- влак дене калыкым палдарыме да икымше лектыш- влак нерген йодыш-влакым каҥашеныт. Игорь Буренков погынышо- влакын тӱткышыштым калыкын йодмашыж дене чак, адрес почеш пашам ыштымашке виктарен, ик йодышымат тӱткыш деч посна кодыман огыл манын. Сеҥымашлан 75 ий теммылан пӧлеклалтше мероприятий- влак нерген кумдан каласкалаш темлен.