Марий Элыште подылшо да правадыме водитель- влакым кученыт

Росгвардийын сотрудникше- влак правадыме да подылшо водитель- влакым кученыт. Шернурышто йӱдым Росгвардийын еҥже- влак ВАЗ-2112 автомобильым йӱшӧ еҥ виктара манын ориентировкым налыныт. Тудым чарымеке, чынак, водитель подылшо улмаш, машинам виктараш праважат лийын огыл. Тиде Марий Турек район гыч 36 ияш пӧръеҥ улмаш. Тудым кодшо ийынак руль воктеке йӱшӧ вуя шичмылан права деч посна коденыт. Тыгаяк случай Моркыштат лийын. 34 ияш пӧръеҥ чот весела улмаш, праважым 2018-ше ийыштак поген налме. Кокытшо шотыштат уголовный пашам тарватыме шотышто йодыш шога.