23-шо февраль- Элым аралышын кечыже

Йошкар-Ола Элым аралышын кечыжым палемдаш ямдылалтеш. 23-шо февральыште уло элна тиде кечым пайремла. Йошкар-Оласе тӱвыра учреждений- влак тӱрлӧ мероприятийым ямдыленыт. Нуно теҥгечак Россий Армийын тӱвыра полатыштыже тӱҥалыныт да тачат, эрлат шуйнат. 23-шо кечын 10 шагатлан Курымашлык тул да Воин Чап монумент воктеке пеледыш аршашым пыштымаш лиеш. 11 шагатлан Ракет дивизийын военнослужащийже- влак парад марш дене Кремль, Первомай урем, Ленин проспект мучко эратат.  Сеҥымаш Паркыште пайрем кечын «Айвика» клуб 9 шагат гыч куржталмашым эртара. 14 шагатлан «Чон мура- гармонь шокта» фестиваль, 18 шагатлан Ленин лӱмеш тӱвыра полатыште диско-кас лиеш. Рӱдӧ паркыштат 11 гыч 15 шагат марте элым аралышын кечыже да Ӱярням вашлийме «Богатырский разгуляй» программе эртаралтеш.