Икымше мартыште «Какшаныште Ӱярня» пайремыш ӱжыт
«Какшаныште Ӱярня» пайрем 14-ше гана эртаралтеш. Тудо 1-ше мартыште 11 гыч 15 шагат марте «Динамо» стадионышто калыкым вуча. Тушто кажне уна пайремын участникышкыже саырна. Курык гыч мунчалтымаш, имне дене коштмаш, гармонь почеш мурен-куштымаш, ярминга, мелна, модмаш- влак, кугу тулото, таҥасымаш да шуко молат пайрем кумылым пуртат. Чылажат ожно Ӱярням пайремлыме семын ышталтеш.
