Троллейбус транспортышто у транспорт картым шыҥдарат
Троллейбус транспортышто у транспорт картым шыҥдараш тӱҥалыт. Тӱлымӧ автоматизированный системын операторжо вашталтмылан кӧра, икымше март гыч троллейбус транспортышто у картым пуртат. Тыге, икымше март гыч 31-ше май марте тымарте кучылтмо картым у карте дене оксам тӱлыде шке киосклаштыт вашталташ тӱҥалыт. Транспорт картыш оксам Сбербанк пӧлкалаште терминал да банкомат гыч пыштыман лиеш. Тыгак «Сбербанк онлайн» системе ышташ тӱҥалеш. Пассажир- влаклан йӧнан лийже манын, икымше март гыч 31-ше май марте тӱжем теҥгеаш кагаз проезднойым ужалаш тӱҥалыт. Тыге икымше март гыч пассажир- влак вашталтыме карт дене але кагаз проездной дене 31-ше май марте пайдаланен кертыт. Икымше июнь гыч троллейбусышто транспорт карте, банк карте, окса дене гына тӱлаш лиеш.
