Чодыраште тулым йӧрташ у техникым налыт
Марий Элышке чодыра пожар ваштареш кучедалаш у технике толшаш. Тулпатыр- влак кум у пожар автоцистерне полышмо дене тул ваштареш шогаш тӱҥалыт. Нуно у технический вооружений да оборудований дене пойдарыме улыт. Техникым налаш 11 миллион утла теҥге оксам кучылтмо. Тиддеч посна шошым пӱртӱс поянлык министерствын спецалистше- влак УАЗ автомобиль негызеш ыштыме кум у чодыра патруль комплексым налыт. Тидлан вич миллион утла теҥгем ойырымо. Транспортым тулым йӧртышаш верлашке калыкым наҥгаяш да чодыра пожарым ончылгоч шижтараш кучылташ тӱҥалыт.