Изи Какшан эҥер пундашым эрыктат

Йошкар-Оласе Ширяйково микрорайон тураште Изи Какшан эҥерым эрыкташ тӱҥалыт. Пӱртӱс поянлык министерстве закупко сайтыште проектно-сметный документацийым ышташлан аукционым эртара. Ончылгоч шотлымо почеш пашам кум гектар кумдыкышто шукташ палемдыме. Вӱд пундаш гыч 110 тӱжем тонн наре йошкыным эрыктен лукшаш улыт. Изи Какшаным эрыкташлан ик миллионат пеле теҥге окса ойыралтеш. Конкурсышто сеҥыше организаций пашам вес ийын тӱҥалшаш.