Шернурышто шахмат да шашке дене модыныт
Шернурысо кыдалаш школышто элым аралышын кечыже лӱмеш шахмат да шашке дене турнир- влак эртеныт. Таҥасымашке Шернур, Советский, Параньга да У Торъял районла гыч 18 шашист да 24 шахматист толын. Ныл шагат жапыште пӱсӧ таҥасымаш шуйнен. Тыге шахмат дене модмаште икымше верым Шернур гыч Эдуард Данилов сеҥен налын. Кокымшо верыште Советский гыч Евгений Иванов, кумшышто Параньга гыч Шахлар Бадалов лийыныт. Шашке дене модмаште У Торъял гыч Иван Ерофеев, тушечак Евгений Ельмекеев. Советский гыч Анатолий Лебедев сеҥыше радамыш лектыныт.