Вуйым пыштыше журналист- влаклан Моско олаште чапкӱм шогалтат
Республикысе тӱвыра министерствын увертарымыж почеш, Моско олан журналист- влак ушемже рӱдоласе 15 тӱжем журналистын лӱмжӧ дене Арбат площадьын скверыштыже профессионал пашам шуктымо годым вуйым пыштыше але увер деч посна йомшо Российысе журналист- влаклан чапкӱм шогалташ темлымаш дене лектын. Тиде ойым Моско олан Правительствыже да оласе Думын депутатше- влакат сайлан шотленыт. Тений 15-ше январьыште монументым чоҥаш распоряженийым пеҥгыдемдыме. Чапкӱ тӱшка увер средствын, савыктыш пӧртлан, спонсорын да тыглай калыкын ойырымо окса кӱшеш чоҥалтшаш. Шийвундым погымо паша умбакыже шуйна. Оксам Москосо журналист- влак ушемыш колтыман.