Волжск олаште краеведений тоштерым олмыктымо
Волжск олаште краеведений тоштерым олмыктымо. Марий Элын 100 ияш лӱмгечыже вашеш посна верым налын шогышо тӱвыра да историй оралте- влак олмыкталтыт. Нунын кокла гыч иктыже- Волжск оласе краеведений тоштер. Тудым экскурсийым эртараш келыштарыме огыл улмаш. Эсогыл пожар тошкалтышыжат лийын огыл. Ынде, ик ий эртымеке, тудо ончаш толшо- влакым вашлияш ямде. Нунылан йӧнан лийже манын, чыла келыштарыме. Коридор пырдыжыште сӱрет- влакым вераҥдат, экспозицийым ыштат. Выставке зал- влакым йӧнештарат. Тоштерым олан 80 ияш лӱмгечыже вашеш шушаш кеҥежым почаш палемдыме.