«Тулгайык» Россий кӱкшытыштӧ тул гай волгалтын

Палантай лӱмеш тӱвыра да сымыктыш колледжын «Тулгайык» калык муро ансамбльже Россий кӱкшытан кок кугу мероприятийыште мастарлыкшым ончыктен. Ульяновскышто «Поющая Россия» руш мурым мурышо- влакын 5-ше конкурсышт эртен. Тудо Москон да Пӱтынь Русьын Патриархше Кириллын сугыньлымыж почеш эрта. Юмын муро-влакым мурымо деч посна, ансамбль «Жаплан веле кече лектеш» уштымо мурым мурен. Россий тӱвыра министерствын да институтлан профессорышт гыч шогышо профессионал жюри коллективым кӱкшын аклен да эн сай ансамбль манын палемден. Вара «Тулгайык» Чувашийыште «Золотая колыбель» тӱнямбал этнокультуный форум кышкарыште этнический мурым йоҥгалтарыше- влакын Российысе фестивальыштышт участвоватлен. «Тулгайык» ансамбльым фестивальыште сеҥышылан шотлымо. Вуйлатышыже, концертмейстерже, колледжым вуйлатыше студент- влакым чаплын ямдылымылан тауштымашан серыш дене палемдалтыныт.