Россий Пенсий Фондын сайтыштыже вераҥдыме материалым колышташ лиеш
Таче сокыр да начар ужшо- влакын Тӱнямбал кечышт палемдалтеш. Шинча дене начаррак- влаклан полшаш манын, тӱрлӧ келышарымашым ыштат. Мутлан, Россий Пенсий Фондын сайтыштыже вераҥдыме материалым колышташ лиеш. Тыгай функцийым кок ий ончыч компьютер экран гыч лудын кертдыме- влаклан лӱмын ыштыме. Сайтысе материалым йӱкаҥдаш манын, «АА» менюм почаш кӱлеш, мышке дене текстым палемдаш да «воспроизвести» кнопкым темдалман. Тудыжо экранын кӱшыл ужашыштыже верланен. Тиддеч вара текстым колышташ лиеш. Ассистент тудым жаплан чарен да уэш колышташ йӧным ыштен кертеш. Сайтын тыгай версийже- ПФР-ын кугыжаныш полышыж дене пайдаланаш сай йӧн. Тудым «Доступная среда» программе кышкарыште ыштыме.