Самырык туныктышо- влак иктешлыше йыжыҥыште таҥасат
Эрла профессионал мастарлыкым ончыктышо «Педагогик дебют-2019» республикысе конкурсын иктешлыше йыжыҥже лиеш. Тудо кажне ийын самырык туныктышо да нунын наставникыштым пален налаш да нунылан полшаш манын эртаралтеш. Тений 34 туныктышо кокла гыч иктешлыше йыжыҥыш кум номинаций дене 6 туныктышо, «Самырык воситатель» номинацийыште 6 воспитатель, «Туныктышо-наставник» корно дене 6 наставник, чылаже 18 еҥ лектын. Сеҥыше- влак республикын чапшым Россий кӱкшытыштӧ аралаш тӱналыт. Республикысе конкурсым торжественно петырымаш эрла 16 шагатлан Йошкар-Оласе 29-ше номеран школышто лиеш.