Черетан «Ший памаш» конкурс вуча

21-ше гыч 23-шо ноябрь марте финн-угор калыкын эстрада мурыжым мурышо- влакын регион кокласе 6-шо «Ший памаш» фестиваль- конкурсышт эрташ тӱҥалеш. Тудо республикын 100 ияш лӱмгечыжлан пӧлеклалтеш. Фестивальыште Российысе 8 кундем гыч эстрада муро конкурслаште сеҥыше- влак, чылаже 100 наре еҥ участвоватла. Нунын коклаште 16 гыч 35 ияш марте 15 мурызо, 36 гыч 55 ияш марте 13 солист, 13 мурышо ансамбль улыт. Икымше кечын мурызо- влакым колыштмаш Параньга районысо тӱвыра да каныш рӱдерыште лиеш. Тудо 18 шагатлан тӱналеш. Вес кечынже таҥасыше- влак Ленин лӱмеш тӱвыра полатыште 14 да 18 шагатат 30 минутлан калык муро ден у мурым ончыктат. 23-шо ноябрьыште 15 шагатлан сеҥыше- влакын кугу гала-концертышт лиеш.
ВКонтакт Одноклассники Facebook Twitter Livejournal Google Plus
Поделиться

Прошлые выпуски