«Легендарный Калашников» выставке Йошкар-Олаш толеш

Шушаш арнян Евсеев лӱмеш калыкле тоштерыште «Легендарный Калашников» выставке пашам ышташ тӱналеш. Тудо лӱйкалыме сар-куралым ыштыше Совет жапын да Российын тӱня мучко палыме конструкторжын 100 ияш лӱмгечыжлан пӧлеклалтеш. Экспозицийыште Михаил Тимофеевичын шке арверже, ятыр наградыже, сувенир да шарнымашан символикыже, «Ижмаш» концернын  продукцийже ончыкталтеш. Выставкыште тӱрлӧ модификациян автомат ден пулемётым, «Сайга» сонарзе карабиным, «Бизон-2» пистолет-пулемёт да моло сар-курал дене кылдалтше ӱзгар- влакым ужаш лиеш.