Марий Элыште электроэнергийым ситарымаште лӱдыкшыдымылыкым ыштыме шотышто Штабын черетан заседанийже лийын
Марий Эл кундемыште электроэнергийым ситарымаште лӱдыкшыдымылыкым ыштыме шотышто Штабын черетан заседанийже лийын. Тудым Республикысе промышленность, экономически вияҥмаш да торговля министр, Штаб вуйлатышын алмаштышыже Дмитрий Пугачёв эртарен. Заседанийыште тений шошо-кеҥеж жапыште электроэнергийым ситарымашым каҥашыме, энергетике да электросетьын шыже- теле жапыште пашам ышташ ямде улмыжо нерген ойлымо, электроэнергийлан оксам тӱлымӧ дисциплинын могайрак улмыжо, дисциплиным пудыртымо амал, жапыштыже тӱлаш мом ышташ кӱлмӧ шотышто йодыш- влакым лончылымо да шушаш ийлан Штабын паша планжым каҥашыме. Электроэнергий дене пашам ыштыше организаций- влаклан сутка мучко пашам ыштыше «шокшо» телефон линийым почаш темлыме. Муниципал образованийлан администрацийыштым вуйлатыше- влаклан озадыме электросеть объект- влакым рашемден, чотыш налаш да нуным специализированный организаций- влаклан кусараш, электроэнергийым автономно ситарыше оборудованийым налаш кӱлешлыкым рашемдаш темлыме. Нунылан тыгак электротуллан тӱлымӧ оксан бюджет источник деч электроэнергийым колтышо марте миен шумыжым терген шогаш кӱштымӧ.