ОНФ Виловат селаште тӱвыра пӧртым пужен ыштыме сомылым жапыштыже шукташ ӱжын
Общероссийский калык фронтын чолга еҥже- влак кучем- влакым Курык марий районысо Виловат селаште тӱвыра пӧртым пужен ыштыме жапым эскераш ӱжыныт. Пужен ыштыме паша «Тӱвыра» калыкле проект кышкарыште шукталтеш. Паша тушто эше ятыр. Контракт почеш леведышым пужен ыштыме пашам, тӱжвал пырдыжым олмыктымашым, тулым йӧртымӧ вӱд системын автомат установкыжым олмыктымо сомылым мучашыш шуктыман ыле. Но график деч почеш кодмаш тургыжланымашым луктеш,- каласен ОНФ-ын регионысо штабшын сопредседательже. Муниципал да регионысо кучемын еҥыштын уветарымышт почеш, вараш кодмаш икымше аукционым кораҥдымылан да проект документацийыште вашталтышым кужун ыштымылан кӧра лийын. Подрядчик 20-шо декабрь марте чыла пашам мучашлаш да объектым сдатлаш сӧра. Общественник- влак тиде пашам эскерен шогаш да ноябрь мучашыште эше ик гана миен тергаш лийыныт. Ушештарена: калыкле проект кышкарыште республике мучко вич тӱвыра пӧртым олмыктымо паша кая. Тиде- Марий Турек, Шернур, Морко, Юрино да Курык марий районлаште.