Тымарте 19 еҥ вӱд гыч лектын кертын огыл
Тений идалык тӱналтыш гыч 19 еҥ вӱдыш пурен каен. Нунын кокла гыч кумытшо йоча- влак. Пытартыш 10 кечыште гына 7 еҥ вӱд йымак каен. Туткар Морко, Советский, У Торъял, Юрино да Звенигово районлаште лийын. Йошкар-Ола мэрийын увертарымыж почеш, Тумер, «Динамо» стадион, Руш театр, Брюгге сер, кӱвар воктене, гидротехнический сооружений тураште, Пуял эҥерысе да Медянино ял воктелсе гидротехничсекий сооруженийлаште технологий амал дене ыштыме вӱдаралтышлаште йӱштылаш ок лий. Утарыше пост- влак «Южный» пляжыште да Вантовый кӱвар воктенысе каныме верыште 9 гыч 20 шагат марте пашам ыштат.