Йӱштылмӧ тургымым официально почмо
Республикыштына йӱштылмӧ тургым официально почылтын. Тений 40 пляжым да 120 каныме верым почаш палемдыме ыле. Но эпидемиологий йодышлан кӧра почмо жап шӱкалалтын. Шокшо игече толмо да вӱдыш пурен кайыше-влакын чотышт ешаралтмылан кӧра (кум арняше индеш еҥ вӱдыш пурен каен, тушечын визытше йоча- влак), йӱштылмӧ тургымым официально почаш лийме. Кызыт пляжлаште утарыше да медицина пашаеҥ- влак улыт. Роспотребнадзор виктемын специалистше- влак вӱдлан 348 лабораторно тергымашым эртареныт. Нормо дене келшен толдымым палемдыме огыл. Черлан кӧра пляжлаште йодмаш- влакым шуктен шогыман: метрат пеле дистанций, шӱкым погымо вер лийшаш, кундемым эрыктен шогыман, вӱдым да ошмам тергыман, кид мушмо вер ышталтшаш.