Республикысе школлаште кочмывер- влакым пойдарат
Республикысе школлаште кочмывер- влакын материально- техничсекий базыштым саемдат. Роспотребнадзор виктемын увертарымыж почеш, кызыт икымше гыч нылымше класс марте тунемше- влакым шокшо кочкыш дене пукшаш ямдылалтмаш кая. Тений школысо столовый- влакын материально- техничсекий базыштым саемдаш 27 миллион теҥге оксам ойыраш палемдыме. Тымарте 17 миллион утла теҥгем кучылтмо. Школлашке йӱкшемдарыше да технологий оборудований, кухньылык да кочмо-йӱмӧ атышӧр, моло инвентарь налалтеш. Медведево гимназийыште, Турша школышто, Звенигово велысе Кужмара, Йошкар-Оласе 7-ше школышто столовый пӧлем ден тунемме кабинет- влакым олмыктат, чапле оборудованиян у школ вашке ямде лийшаш. Шокшо кочкышым 245 тунемме тӧнежыште пукшаш тӱҥалыт. Тушто 78 тӱжем утла изи, кыдалаш да кугурак класслаште тунемше- влак шинчымашым налыт. Тӱрлӧ семын кочкышым кызыт 100 процент тунемшылан ситарат. Шокшо кочкышым 87 процент тунемше налеш. 12 процент тунемше буфетыште кочкышым налын кертеш. Школлаште тымарте ача-аван тӱлымӧ окса кӱшеш пукшеныт. Республикысе бюджет кӱшеш шуко шочшан ешла гыч да начар тазалыкан йоча- влаклан кочкышым ситарыме.