Марий Эл Правительствыште бизнеслан да калыклан полышым пуымшо йодышым каҥашеныт
Марий Эл Правительствыште бизнеслан да калыклан полышым пуымшо йодышым каҥашеныт. Тӱҥалтышыште Республикым вуйлатыше Александр Евстифеев ушештарен: Элнан тӱҥ законжын у редакцийже верч йӱклымӧ деч вара Республикысе правительствын тиде икымше заседанийже. Мемнан ончылно тыгай задаче шога: республикын законодательствыже Россий Конституцийын у редакцийже келшен толшаш. Тидлан пашаче группым ыштыме. Тушко тӱҥ шотышто кугыжаныш погынын депутатше- влак пуреныт. Келшыше вашталтышым пуртымо шотышто кӱчык жапым палемдыман. Правительствын еҥже- влак депутат-шамычлан полшен шогышаш улыт. Тыгак совещанийын ик тӱҥ темыже - Республикысе промышленностьын регионысо фондшым ыштымаш. Тидын нерген промышленность министр Станислав Крылов ойлен. Кызыт республикыштына тӱжемат 900 утла организаций пашам ышта. Пандемий жаплан кӧра промышленный индексын иземмыже палдырна. Промышленностьым вияҥдыме регионысо фонд экномикым вияҥдымаште тӱҥ полыш лийын кертеш. Тудо организаций- влаклан финанс, увер, умылтарымаш да моло полышым ыштен кертеш. 2024-ше ий марте фондыш федерал бюджет гыч 450 миллион тенгем чумырышаш улыт. Тудо предприятий- влаклан кредитым пуаш кучылталтшаш. Предприниматель- влак фонд шотышто уверым куанен вашлийыныт.