Кок станцийыште кӱртньӧ корным олмыкташ тӱҥалыт

Республикысе кок станцийын кӱртньӧ корныжым олмыкташ тӱҥалыт. Тиде паша Аксаматово ден Куяр станцийлаште тӱҥалшаш. Кодшо арнян олмыктымо пашалан аукцион мучашлалтын. Тушто сеҥышыш «Кӱртньӧ корно дене шупшыктымо рӱдер» организаций лектын. Тений икымше октябрь марте ачалыме пашам мучашлышаш улыт. Тиде пашашке пу шпалым кӱртньӧ бетон гыч ыштыме дене вашталтымаш, тыгыде кӱм шарымаш да моло сомыл пурат.