Почто кыл пашаеҥ- влакым Республикым вуйлатыше Россий Почтын кечыж дене саламлен

Теҥгече  Почто кыл пашаеҥ- влак шке профессионал кечыштым палемденыт. Республикым вуйлатыше тиде отрасльыште тыршыше- влакым Россий Почтын кечыж дене саламлен. Российын почтыжо поян историян. Кызыт калык у сервис- влак дене пайдалана гынат, почта кыл шке кӱлешлыкшым ок йомдаре. Почто пӧлка- влак уэмдалтыт, автоматизироватлалтыт, у паша формат- влак пурат, калыклан тӱрлӧ полыш пуалтеш. Марий Элыште 250 утла почто пӧлка пашам ышта. Тушто шке пашаштым йӧратыше да тудым лийжак манын шуктышо еҥ- влак тыршат. Куштылго огыл эпидемий жапыштат нуно пашаштым чарен огытыл, нунын ӱмбак кугу нелылык возын. Туге гынат, нуно шке пашаштым жапыштыже да писын шуктеныт. Поснак кугу тауштымаш почто кылын ветеранже- влаклан. Пайрем кечын чылалан пеҥгыде тазалыкым, пиалым, еш ласкалыкым да почтыш толшо- влакын поро шыргыжмашыштым тыланем, - ойлалтеш Республикым вуйлатышын саламлымашыштыже.